قبل اسبوع تقريبا كنا طالعين للمخيم مع قرايبنا...ناس من العائله...
المهم شفت شي من جد من جد اثر فيني كثثثثثثثثثثثثثثثثثثثثثير
شفت ام من (صم وبكم) تتفاهم مع بناتها بلغه الاشاره... بنتين وامهم حرمهم ربي من نعمت
الكلام والسمع
خلاص هذاك اليوم كله مر وانا بس اسرح فيهم ...واحمد ربي بنفس الوقت على نعمه السمع
والكلام...........
تدرون هذول البنات وحده عمرها5 سنوات والثانيه عمرها 27 سنه
والله والله انهم حلوين بطريقه ملفته للنظر ...يعني ربي عطاهم جمااااااااااال غريب ..وجيههم
فيها نور وبراءه
وحده منهم اسمها نوره...وقاعده اناديها
نوره.. نوره...نوره............... بس ماردت ....بعدين قالت لي وحده تعرفها... هذي ما تتكلم
والله حزت بنفسي مررررررررررره يا الله ابسط شي اذا احد ناداك ترد عليه ...بس هي ما تقدر ترد.......................
طلعت برا المخيم وشفت العيال الصغار قاعدين يلعبون....جيتهم وقعدت اسألهم عن اسمائهم...يوم جيت عند ولد عمره يعني 12 سنه سالته شسمك؟؟؟...قعد يناظرني.. وساكت... قال لي ولد ثاني (هذا اطرم ما يتكلم)
يا الله ضاق صدري... وبغيت اصيح.... شوي وتطلع من المخيم ام الولد...اول ما شفتها قلت لها بالاشاره (انو ولدك حلو مثل بناتك)
تخيلو الولد التفت علي وبدا يكلمني بالاشاره انا طبعا ما فهمت...جت وحده تفهم بلغه بالاشاره
وبدات تترجم لي كلامه
شوفو تفكير الولد شلون كان انا بقول لكم اسألته اللي كانت تترجمها لي خالته
الولد: انت باي مرحله
انا:بالجامعه
الولد يخبط على راسه ويقول:فكرتك بالثانوي..طيب اي سنه بالجامعه
انا:رابع سنه
الولد:طيب اذا تخرجتي بتتوظفين
انا:اكيد
الولد:بس مافي وظايف الا بالواسطه
انا منبهره من اسالته اللي اكبر من عمره سالته:انت وش بتدخل بالجامعه
الولد:انا ما اقدر ادخل بس حدي ثانوي
انا :ليه ما تدخل
الولد:انا ما اتكلم ولا اسمع كيف ادخل الجامعه
انا:الا بتدخل انشاالله وبتصير ضابط
الولد يضحك ويأشر على لسانه كانه يقطعه وييقول:ما يبغون واحد ما له لسان
انا :اجل بتصير دكتور
الولد يضحك ويرفع يده للسماء بمعنى انشا الله
والله بعد هذا النقاش بيني وبينه عرفت انو ربي اخذ منهم بس عطاهم ...الولد هذا مخه اكبر من عمره واتوقع كلكم موافقين بهذا الكلام خاصه انو العيال اللي بعمره عساهم يعرفون انو فيه شي اسمه جامعه من جد كل واحد يقرأ موضوعي يدعي للام هذي وعيالها ان ربي يوفقهم ويعوضهم خير من عنده
واتمنى نعامل هالفئه برحمه ..بس ما نحسسهم انهم اقل منا بشي
واشكركم واسفه اذا طولت عليكم بس من جد احس اني ابي اقول كل هالكلام... واكثر بعد